هذا ما حدث معي البارحه .. !!! حياااااكم ^_^

بسم الله الرحمن الرحيم
اللهم صل على محمد وآل محمد
وعجل فرجهم و أهلك أعدائهم أجمعين إلى قيام يوم الدين

شلونكم شنو اخباركم ان شاء الله تمام عساكم عالقوة << ^_^

المهم بقول لكم شنو صار لي البارحه حياكم اقرأو الموضوع ^_^
امس سلمكم الله الوالده مريضة وكانت طول اليوم معنده ما تبغي تروح المستشفى المهم بعد الزنه والحنه فوق
راسها ياالله اقتنعت تروح بس ما رضت تروح غير المقصبه ( اقصد مستشفى القطيف المركز - الجش )
المهم رحنا و قالو بأن امي معاها التهاب بالمعده و السكر مو مضبوظ عندها فلازم أبر و تحاليل و مغذي
بعدها رحنا الغرفه عشان امي تأخذ علاجها و الحمدلله حصلنا سرير فاضي << بالعاده مافيه اسره فاضيه
المهم انا خليت امي تدخل وانا طلعت برا عشان ادق على اخوي و اشوفه وينه لأن امي تحاتيه وداخل
الغرفه ما فيها ارسال فطلعت عند الممر عشان ادق وبس طلعت و إلا هذا الامن تبع المستشفى جاي يهزء فيني
قهرني كنت بتهاوش معاه بس مالي خلقه يقول لي ممنوع توقفين برا عندك مريض دخلي هنا لا توقفي
وانا طنشته ولا رديت عليه بعدها اخوي جاني وكلمه عني لأني ما رديت عليه و حسيته انقهر << احسن خليه يولي خخخخ
المهم بكمل لكم السالفه رجعت إلى امي الغرفة واخوي راح عند الاستقبال وجلس يتابع التلفزيون على قولته
بعدها انتبهت بأن في وحده مريضه وااااااااايد سريرها جنب سرير امي ودكاتره وااااايد عندها بناتها ينادونها
بـ ( امااااه اماااااه امااااه ) وهي ما ترد عليهم والبنات ينادونها بحسره انا وقتها صرت معاهم ما اقدر اتحمل
هم ينادونها بحرقة وهي ما ترد وانا دموعي على طرف
وقسم بالله اشوف الاجهزة تطلع و تدخل عندها والدكاتره رايحه جايه وانا نسيت ان امي مريضة وعالسرير
صرت معاهم افكر و ادعي لها بالشفاء وبأن الله يساعد بناتها وصرت مثلهم قاعده على اعصابي
المهم بعدها ما تحملت قلت لأمي بروح الاستراحه و برجع قالت لي ليش قلت لها بس بشوف ولدش وبرجع
المهم انا رحت ورجعت بسرعه عشان ما اتأخر على امي لأنها يمكن تحتاج شي ما شيات
ولما رجعت لأمي لقيت البنات نفس الشي يتصايحون وينادون امهم وبعدها وصل رجال معاهم اضنه اخوهم
لأنه بعد ناداها ( اماااه اماااه ) فما ردت عليهم
وبعدها لما الحرمه ما استجابت للعلاج ولا لأصوات اولادها جرو السرير بسرعه و اتوقع ودها على العنايه المركزه
لأن حالتها كانت تعبانه واااااااااايد
<< ارجوكم واتمنى منكم تدعون لها والله ما راحت عن بالي تعرفو ليش
ذكرتني باللي يصير بالعراق وانا كل اللي قاعد يصير هناك ما عمري شفته قدامي مباشره كله في التلفزيون
والله بجد وقتها قلت احنا هني ما نشوف اللي قاعدين يشوفونه العراق بس انا شفت وحده مريضة وصار فيني اللي صار
لو اشوف العراقيين شنو قاعد يصير عندهم ما اقول غير الله يفرج همكم ويبعدهم عنكم
المهم اكمل لكم ..
كل هذا كوووووووم والكوم الثاني بأنهم قالو لنا نتائج التحليل حق امي سلبيه وما خلو مرض ما طلعوه في امي
انا وقتها وقف قلبي مو قادره شنو اسوي ناديت اخوي قلت له شوفهم شنو يقولون وصارت الاجهزة تدخل لأمي
والدكاتره بعد تجمعو انا مو قادره الدمعه واصله عندي واخوي يسألهم شنو فيه ما يردو عليه
بعدها لما طلعو من عند امي حضرتهم البايخين قالو بأن النتيجة إيجابيه وكان فيه شويه لخبطه في التحاليل يعني التحاليل السالبية ما كانت باسم امي كانت لوحده ثانيه
وقسم بالله ما خليت كلمه عليهم موتونا من الخوف << بالله عليكم هذا مستشفى تروح له الناس
لو شنو يصير ما رحت له هالعله هذا
المهم احنا رحنا هناك المستشفى الساعه 9 ونص تقريبا وما رجعنا غير 2 ونص بالليل تعبنا وبس يطلع التحليل بالغلط
المهم نسيت اقول لكم اخوي الثاني لما عرف باللي صار جا لنا المستشفى يبغي يتهاوش معاهم بس الله ستر وامي
منعته و إلا كان سبب لنا مشاكل

**********************

اللي ابغي اوصله لكم يا جماعه :
اولا: امانه امانه عليكم لا تنسون الحرمه المريضة اللي كانت مع امي ادعو لها الله يخليكم مع اني ما اعرفها ولا اعرف حتى اسمها ولا من اي منطقه هي بس بجد لا تنسوها من دعائكم
ثانيا : ادعو لأهل العراق الله يفرج كربتهم و ينصرهم على من ظلمهم يساعدهم ربي
ثالثا : المستشفيات الحكومية قليل ما نلاقي منهم اهتمام بالمرضى وخصوصا هذا اللي ذكرت اسمه فوق وبالدليل
امي اليوم الظهر رجعت راحت المستشفى لأنها ما استفادت منهم شي يعني الشخص يروح لهم صاحي المستشفى
ويرجع مريض مثلي يعني << صدعو راسي ^_^

والله يشفي جميع المرضى يا رب ويطول بأعمار والدينا ويفرج عن العراق ويرزقنا الله زيارة العتبات المقدسه وفي الاخره شفاعتهم يا رب العالمين

ادري رغيت وااااااايد ^_^
والله يعطيكم العافية
اختكم ( عاشقة ألأكبر عليه السلام )

_________________
هذا ما حدث معي البارحه .. !!! حياااااكم ^_^ 4d71ef5706

الشكر لله والحمدالله على كل حال نعيش بيه ,,, والحمدالله على السلامة الوالده وخطاه السؤ اشاء الله وماتشوف شر ويعطيكم الف عافية ,,, والله يشافي جميع المرضى بحق عليل كربلاء عليه وعلى ابائه افضل الصلاة والسلام ,,, تحية لكي اختي الكريمه ,,,,موفقه عزيزتي لكل خيررر
عاشق البديري

_________________
[img] هذا ما حدث معي البارحه .. !!! حياااااكم ^_^ 088a27a498

هذا ما حدث معي البارحه .. !!! حياااااكم ^_^ 34f9bf6c53

شكر خاص من صميم القليب إلى المبدعه صاحبة الابداع
((نور الولاية)) على التصميم الرائع جدا

[img]

اللهم صلي على محمد وآل محمد
الحمد لله على سلامة الوالده ان شاء الله ما تشوف شر
والله يشافي جميع المرضى يالله
ويكشف الكرب عن اهل العراق
تحياتي
شاطئ الإيثار

الله يشافي مرضى المؤمنين والمؤمنات أختي

ترى الأخطاء واردة كثيرة والأسباب

البنقالي روح جيب التحليل من المختبر ولا يدري حق من طالبة ومثل هذا

عاملات النظافة أختي والأعظم منهم يقولوا بدون أحكام مسبقة

وينسبوا الخطا على المريض الله يبعدكم عن كل ما يسوء .

_________________
ليس الجمال جمالاُ بلأثواب تزيناً .............. بل الجمال جمال العلم والأدب ..

هذا ما حدث معي البارحه .. !!! حياااااكم ^_^ Fsl45249

الحمد لله على سلامه امك ماتشوف شر قولي لها زهراء تسلم عليك ههههههه
الله يشفي المريضه يارب بحق محمد وال محمد

حمد لله على سلامة الوالدة الغالية
وما تشوف شر ويعطيها ألف صحة وعافية
اللهم شافي وعافي كل مريض بحق مريض كربلاء
وفرج عن أهل العراق فرج عاجل قريب
اللهم آآآآآآآمين

عاشق البديري
شاطئ الإيثار
أبوعلوى
زهراء المحبه
يذبل

الف شكر لكم على التواجد
والله يوفقكم و يطول بعماركم يارب
يسلمكم ربي و يعافيكم ان شاء الله
والله يعطيكم العافية
اختكم ( عاشقة الأكبر عليه السلام )

_________________
هذا ما حدث معي البارحه .. !!! حياااااكم ^_^ 4d71ef5706

» اسرار الرجال مالاتعرفه المرأه‏‏ .. !!!! حياااااكم