(للأمام الصادق ) عليه السلام

أرد أدخل مدرسة الصادق ومحتار ادخل من يا باب ؟

أشجم كليه أنجمعت بيها وأشكد اتخرجوا طلاب ؟

خل نحسب اقسام البيها خل اندونها للاسباب

جبر وجفر وفلك وقسم أ مخصص للمحراب

وخل جابريكعد يحجيلك وينقلك علم الاطياب

نور وضل بيهم يتنقل بالارحام وبالاصلاب

اني ادري اليدرس يدون اسمه يحفظوه الكتاب

اشمعنه الينهل من هل المنهل من شايبه لحد الشاب

يتفرد وحده بآراءه ... بس تاليها اشوده اشجاب ؟

ويدور الريع امن الصبخه وبصفه ايقيض الخنياب

شتعاتب يلردت اتعاتب ومن يسمع جلمات اعتاب

اعتب عالمتصدر يفتي وينعد ذنب من الاذناب

جا وين الدين واركانه اوين انحسبوا ذو الالباب

أ رد اسأل بالله وجاوبني ودقق لمن تنطي جواب

جاوبني منين اخذ ديني وخل الما يقبل يرتاب

اخذ علمي من ابن الزهره لو من لباس القباب ؟