شكيه للامام الجواد

بسم الله الرحمن الرحيم

اسف اذا كاتبها الكم ولكنها شكيه الى الامام الجواد

سبحان الله عندي شكيه الى محمد الجواد ونفس الفكره
شجيتي اكبال ابو جعفر لسجله أذبنه ابضريحه ايكول لا خله
*****************
خله ايكول ما ترد شجيه ابشر تطلب والعطيه اتجيك سر ابسر
احنه اهل الكلايف ساعة المعسر نكضيلك طلبتك يل ردت حله
**************
نحله امخلبصه وما تنعد العكدات احنه اهل الكلافه ومنبع الشارات
تريد اثبات هاك الزم واخذ اثبات الشمس ردت لجدنه بيوم صاح اله
*******************
صاح اله وتغيير كل مسار الكون كال اشلون لازم مو قضه يصلون
بحكم قدره ارجعتله مثل ابن شمعون حال الحال واحد وجب نقبله
**************
نقبله فضيله مو عجب واحتار اشلون الكون يم صم الصميده اندار
هذا الحال مو منكر على الكرار تميل الكاع بجفوفه ويعدله
**************
يعدله الصميده الطبرته ميزان اهو ايه شريفه امجسده بانسان
بل قران ناطق عدل للقران قيس وشوف جم ايه اليرتله
***************
ابو جعفر كصدتك ما ترد طلاب امشي اعليك جدك علي داحي الباب( )
اهي اسباي يا مولاي حفنه اسباب انتوا اسبابها وابواب انتوا اله
****************
انتوا اله وحكك ساعة الموزم واجي مبخوت ليكم صايم محزم
بس تخلص تفكهه واخلص من الهم واكولن طلبتي ابت الفحل حله
*******************
ارد مولاي اطلب طلبه من جدك من باب الحوائج تاجنه المنسك
اهي عنده طلبني وهم تصح عندك بس خجلان احجيه وافصله

اللهم صلي على محمد وآل محمد
احسنت اخي الكريم
ان شاء الله حوائجكم مقضيه بحق اهل البيت
ماخاب من تمسك بهم

» حيبها( للامام صاحب الامر )
» محمد النبي أخي وصهـــري للامام على
» ابيات رائعة للامام علي كرم الله وجهه
» حكمة للامام علي ع ))))))))))))
» خطبة للامام علي عليه السلام من دون نقط