الحسين جائزه

موضوع: الحسين جائزه الإثنين ديسمبر 29, 2008 7:32 pm

الحسين جائزه

لا تكلي اكتب قصيده وانتظر ها الجائزه

اني عندي احساس شيعي ما اكو داعي اتحفزه

ما اجامل بالقصايد ولا اصف بالهوبزه

هي جلمه لو كلتها كل ضميري تهززه

تريدني اوصفلك كتاب الباري واشرح معجزه

تريدني اكتب عالحسين اذن روحي فائزه

لو ترشح اسمي عندك ما اريد الجائزه

بس دعاءك كون خادمهم اصير بلا جدل ومناجزه

..........

أمنين ابديلك واسولف عالحسين وهو آيه اتجسدت باشرف بشر

اللي زار احسين باقوال الرسول حج لبيت الباري حتما واعتمر

أتريد نبدي من الولاده احتفال اتشيد ابجبد السمه وصار نصين الكمر

نص نزل يم الرسول ونص على الكون انتشر

يا قصيده اللي حوت شخص الحسين ويا كتاب ويا خبر

ويا قلم ما دنك وباس الجفوف وما تثلم وانكسر

حسين للدنيه الوسيعه ونهج صار الكل بشر

تدري كون الله طلك باسم الحسين وكبل ما جابه انتصر

وتدري آيات الجليل اتجسدت طول الدهر

باسم ابو اليمه وعترته دين بارينه ازدهر

بيه كمل اسم الرساله باحلك ايام الخطر

منه اتعلمنه كلشي ولوما دمه جان دين الله اندثر

.......

ابسمو امصيبته هل الناس ... سموه

يمن دمه نصر عالسيف ... سموه

من كبلك اخوك الحسن .... سموه

بس رادوا يموتون القضيه

.....

القضيه اتموت لا متموت ... تنعاد

وعدنه كل ارض كربلا ... تنعاد

مصيبتكم يبو السجاد ... تنعاد

مآتم ما يكع لا للمنيه

.....

ابكل عاشر الك منصوب ... مآتم

يلولاك الفرع والاصل ... مآتم

الك كوكب يبو الاحرار ... مآتم

عمره وبالربيع انخسف ضيه

.......

نلتمسكم الدعاء \\ حاج فواد الرميثي

23 \ 12 \ 2008