بالبداية هواي ما يعرفون "الجامع الكبير" اللي صارت اعتراضات على تغيير إسمه قبل يومين وين مكانه ؟... وعبالهم بعيد عن مرقد العسكريين "عليهم السلام واليهم التسليم"
الجامع الكبير هذا اللي قبته بصف قبة العسكريين بنص العتبة العسكرية وما يبعد عن القبور الشريفة إلا أمتار
هذا الجامع السنة يگولون مالنا واسمه جامع سامراء الكبير والشيعة ما يصير ياخذونا إلهم ويسموه جامع "صاحب الأمر" وهو اساساً مبني فوگ سرداب الغيبة!!
أنبنة هذا الجامع نهاية القرن السابع الهجري... بناه (الخليفة) العباسي الناصر لدين الله... وهذا الناصر لدين الله كان يتشيع ويميل لأهل البيت
:قال ابن الساعي
في كتابه ( تاريخ مختصر الخلفاء ) : ( و كان يتشيع وجعل مشهد الإمام موسى الكاظم عليه السلام أمنا لمن لاذ به، فكان الناس يلتجئون إليه في حاجاتهم ومهماتهم وجرائمهم فيقضي الناصر لهم حوائجهم، ويعفو عن جرائمهم ... )
ومو بس ابن الساعي گال عليه كان يميل لأهل البيت... ذكر هالشي السيوطي وابن العماد الحنبلي والقرماني وابن رجب الحنبلي
حتى الشيعة ذكروا الة كتاب
في فضائل أمير المؤمنين عليه السلام رواه السيد ابن طاووس في كتابه اليقين عن السيد فخار بن معد الموسوي عن الناصر ،
بدون هوسة ولغوة زايدة من جناب المعترضين... الجامع عائديته للعتبة العسكرية شي بديهي
وماكو حجة غير تغيير الاسم بالستينات من قبل الشيخ احمد الراوي المدرس الاول في
المدرسة العلمية السنية بعد ما سكن بسامراء وهو هسة مدفون بيه!! وشوفوا منو جان مسيطر بالستينات ؟؟!
بينما بالوثائق العثمانية اسمه كان مسجد المهدي.. وقف المهدي.. مقام المهدي
مضافا لهالشي كله البناء الحالي الة اللي آمر ببنائه "حسين قلي خان الدنبلي" حاكم مدينة
خوي بايران نهاية القرن الثامن عشر الميلادي وكمل بنائه"
محمد علي ميرزا" حاكم مدينة كرمنشاه والابن الاكبر للشاه فتح علي شاه القاجاري
واللي انقشت بعهده ابيات فارسية وخلوها اعلى باب الجامع تؤرخ لبنائه.
البيت بيت أبونا ترة والما يعجبه يروح يلطخ راسه بالملوية