باب السلام
عضو في منتهى الخيال
دولة : 
رقم العضوية : 33
تاريخ التسجيل : 07/01/2010
الإقامة : بغداد
الجنس : 
المشاركات : 566
العمل/ : كاسب
السٌّمعَة : 0
نقاط : 17510
الاوسمه : 
 | موضوع: الحواء زينب (ع)  السبت ديسمبر 17, 2011 7:34 pm | |
|
اللهم صل ِعلى محمد وآل محمد
وعجل فرجهم ياكريم
معرفة آلِ محمد برائة من النار
وحب آلِ محمد جواز على الصراط
والولاء لآلِ محمد امان من العذاب
السلام عليكم ورحمة الله وبركاته
ردت منك تجينه ــ يبويه أشكد دعينه
زينب تنخه حيدر بويه حاجيني
خدر بنتك تسلب
عكب حسين زاد الهم ويه أونيني
من شاهدت أمترب
ونحر أبنك لما أسئله أيجاوبني
كلبي أبعطش يلهب
او راسه من فوك الرمح يشاهدني
مسبيه وأتعذب
ايوصيني أبنينه ــ يبويه أشكد دعينه
ردت منك تجينه ــ يبويه أشكد دعينه
حزن حره وسبيه وفاكده الوليان
محد ما يلومج
وكفيلي طاح مرمي أتوسد التربان
وكثر ليج همج
جفينه أكَطعوهه بغدر هالعدوان
من يدافع عنج
وصابوا عينه أبلا ضمير أو لا وجدان
جن صّوبوا عينج
وهظموا كلب أسكينه ــ يبويه أشكد دعينه
ردت منك تجينه ــ يبويه أشكد دعينه
ومن تذكر مصاب الاكبر ما تهجع
تون ونه خفيه
ومن أتصد للقاسم تهمل المدمع
وأتشوفه رميه
وعبد الله العطشان و جفاه المرضع
صار أكبر ضحيه
وايتام حسين بخيمّهه تتكَطع
عطشانه المسيه
ياجدي أنولينه ــ يبويه أشكد دعينه
ردت منك تجينه ــ يبويه أشكد دعينه
خذوا بنتك سبيه وغربّت للشام
بلا والي مشوّهه
وبس عليل ومحني الظهر ما ينلام
ومهجته مردوهه
وحرم وأطفال مسبيه وتلم بأيتام
بالبر من شردوهه
تون أعله الهزل من سوط هالظلام
وتشكفهن بيديهه
مهظومه تدرينه ــ يبويه أشكد دعينه
ردت منك تجينه ــ يبويه أشكد دعينه
بالشام العده وليتنه وذيج الناس
ما تعرف أصلنه
أيضربونه بحجر وأسياط هالحراس
زيدت هظمنه
أشنحمل هظم تعب اليسر لو لنجاس
ما ظل حيل عدنه
ننخه بجاه النبي يرجع العباس
ويجمع كل شملنه
أيردنه للمدينه ــ يبويه أشكد دعينه
ردت منك تجينه ــ يبويه أشكد دعينه
جمعوا هالعيله بلا ستر لا حمَّاي
لا خيمه تحميهه
من حر الشمس عطشانه بلايه ماي
بس نظرة واشيهه
لن طفلة حسين أتفز فاكَده الراي
تنشد عن واليهه
جابوا راسه ظنته جاهّه عناي
ماتت من بجيهه
رقيه هالحزينه ــ يبويه أشكد دعينه
ردت منك تجينه ــ يبويه أشكد دعينه
| |
|
