القلب والعقل

اللهم صلِ على محمد وآل محمد
وعجل فرجهم ياكريم

العقل

أنا الأهم أكيد لأني أفكر.. وأبدع .. وأتصور.. وأستنتج ..
وحتى مكاني فيه شموخ لأني في رأس الإنسان .. وأنت اذا كلمت شخص تطالع راسه ما تطالع بطنه أو قلبه

القلب

تقصد تقول اني أنا الأهم,, لأن الدم اللي يوصلك ويحرك خلاياك مني أنا
أنا اللي لي الفضل في تفكيرك
أنا أحس.. وأنبض .. وأحب .. وأشتاق

العقل

من غيري انت قلب مجنون

القلب

ومن غيري إنت عقل مجرد من المشاعر .. ما عندك احساس

العقل
ومنو اللي محتاج المشاعر في هالوقت ؟؟
احنا في زمن السرعه والتطور.. عصر الكمبيوتر والصواريخ والقوه
هذا الزمن زمني أنا .. ما عاد لك فيه مكان
أنا تركتك هناك .. عند قيس وليلى يشبعون منك
تكفى شنو اللي ياهم منك الا الغثا وعوار الراس ؟؟
هي تزوجت واحد ثاني وهو انهبل وصار تايه بالبراري
شنو نفعتهم فيه يوم حكموك عليهم ؟؟

القلب

كل التطور اللي تقول عليه هذا ما يغني عن لحظة مشاعر صادقه
اذا انكرتني بتكون غبي
عقل الشاعر في قلبه .. عقل الفنان في إحساسه
قول لي منو ما يعرف قيس ؟؟ وليش عرفوه ؟؟ عرفوه لأنه حب من قلب مو من عقل !!
يمكن يكون أعطى قلبه أكثر من اللي يتحمله لكنه أبدع في النهايه ملا الدنيا أشعار وكان أجمل مثال للوفاء

العقل

بلا خرابيط فاضيه!! حب وشعر ووفاء !!
الإنسان من غير عقل ماله الا مسمى واحد بس مهما اختلفت أشكاله
( أهبل ) !!!

القلب

وطيب عمرك شفت إنسان يعيش أصلا من غير قلب !!!!

بدون قلب يكون الإنسان ببساطه
( ميت )

العقل

أقبل أموت وأنا عاقل وذكي بس أرفض أعيش أهبـل ..!!!!

القلب

وأنا أرفض إني أكون عاقل ومجرد من الإحساس.. أرفض أكون ميــت..

لا تحاول تنكر ... إنت من غيري ما يمكن تكووون أصلا .. وجودك مرتبط فيني أنا ..

العقل

وانت من غيري طايش.. أهوج .. مخفه

كلمه تاخذك وكلمه تجيبك
حوار طويل لا يمكن أن ينتهي ..

زائر

[size=24][center]اللهم صل على محمد وآل محمد

كل الشكر والتقثدير لللاستاذنا الفاضل سهم الحق
حوار خيالي أكثر من واقعي
لانه العقل هو من يتحكم بلقلب !!
أعجبني الأسلوب الحوار اللهجه جميله جدا
ووفقك البارئ ولاحرمنا الله وجودكم
محبـتــــــــــــــــي[/center][/size]

» القلب والعقل
» نداء من القلب الى القلب ( الوان الابيض *بهاء الروح*خفيفة دم*درووب مجهولة)
» القلب هو القلب والقبر صندوق العمل
» نبض القلب
» القلب